一個甲子有幾耐？一個甲子即係 12 年。
不經不覺我畢咗業 12 年喇，好幸運我讀嘅學位同我做嘅嘢係有關係，做起黎好得心應手。大部份公司嘅 IT 部門都唔會太多女性，現在敝公司個 IT 都係得得一個女仔，稀有動物。長輩問我做乜，我會答我做 IT；finance 同事會覺得我係 IT 同事；IT 同事會覺得我係 fianance 同事。
頭頭不是岸就係咁嚟。
嗯⋯其實呢 12 年嚟我都有唔少女性同事，呢個拉著 IT 條尾巴嘅行頭係咪好畸型呢？Even 同啲低層次嘅 IT 同事講 Oracle ERP 都未必個個識，係咪好神秘呢？
好多 IT 同事都唔明點解呢個小圈子嘅人，人工會跑羸大巿咁多？當然唔係 iBank 果種啦，只係比普通 IT 多三成左右啦，如果係 SAP 的話又可以再多兩三成咁啦。係咪開始有啲葡萄呢？
想轉行同入行嘅人睇清楚喇⋯其實一年到晚都有唔少 vendor 請呢行嘅人，入門門㰖比較低，人工可能比 in house 多少少，但大部份都會係 contract base，你懂的。咁要點準備先可以入到門口呢？有兩個可能性，一、你本身有少少相關嘅 ERP 經驗、寫開 SQL、寫開 Oracle Forms/Reports，二、你好 presentable、識少少 accounting 又識少少 programming。嗯⋯我個人認為前者係易達標少少嘅。我係某大電訊公司嘅 graduate trainee 入行，返工嗰日先知自己個部門係做乜嘢，但一做就做咗 12 年。
0 comments :
Post a Comment