上回講到，點樣入行。好喇⋯比你入咗行，咁點先可以向上爬呢？呢個行頭其實係超細的，你嘅人際網絡係你嘅本錢之一，所以千萬千萬唔好做臭自己個名。唔係叫你做世界仔女，而係叫你做嘢要過得人過得自己。有寫過 program，揼過吓石仔嘅人都知乜嘢叫花牌，個花牌可以令你名留千古或者為臭萬年。遲吓可以分享名留千古同為臭萬年嘅有趣 case。
其次，你可以讀啲萬幾蚊嘅 course 同埋考 cert（又係一嚿錢），不過本小姐 course 就上咗好多，但 cert 就一張都無考，一嚟要錢，二嚟我又唔係想入政府做，所以無考咯。與其要考 cert，考 CISA、PMP 可能會比較有用，係比較啫；因為升唔到職，轉唔到工都仲有好多原因。
跟住，點先可以向上爬而爬得快過其他人呢？就係要令自己變到好 international 喇，唔係叫你扮 ABC。係叫你令自己個 profile、resume 好 international 呀。儲咗一定嘅經驗值之後就可以跳幾跳，包裝吓自己個 profile，咁你往後嘅日子就會有更多嘅 opportunities 喇。不過，你唔想週遊列國的話就另計喇。
0 comments :
Post a Comment